DAVAO CITY – Nagpadayon ang mga programa sa Bureau of Fire Protection (BFP) 11 karong bulan sa Marso isip pagsaulog sa Fire Prevention Month.
Kahinumduman nga gibisita karon sa mga personahe sa BFP-11 ang mga mall diin nagapahigayon sila ug training sa mga kabataan kung unsa ang mga angayan nga himuon panahon nga adunay masinatian nga sunog.
Sumala pa, kang C/Insp. Alex Pamaybay, Davao City Fire Marshall mahinungdanon nga magbaton na ug kaalam ang mga bata kung unsa ang mga lakang nga himuon panahon nga adunay mahitabo nga sunog ug uban pang kalamidad.
Kalakip sab sa ilang gitudlo ang tukma nga pagpahigayon ug CPR ug paunsa luwason ang kaugalingon kung anaa sa sulod sa nasunog nga gambalay. Ang Fire prevention karong tuiga adunay tema nga Matuto Ka! Sunog iwasan na.
