Nausab ang hitsura sa baybayon sa Hormuz Island sa Iran human sa kusog nga pag-ulan, nga nagresulta sa pagkapula nga sama sa dugo ang dagat.
Giila ang lugar nga “Red Beach” tungod sa taas nga konsentrasyon sa iron-oxide-rich soil sa isla.
Ning higayona, ang ulan nasagol sa pulang yuta gikan sa mga pangpang ug bakilid padulong sa dagat, hinungdan nga nahimong daw blood-red ang tubig sa baybayon.
Sumala sa report, ang talan-awon dali nga nagviral sa internet, diin daghang turista ug lokal ang nagpaambit sa ilahang mga litrato ug video sa pulang dagat.
Dugay na nga nailhan ang Hormuz Island sa colorful nga geological formations ug sa gitawag nga “gelak”, ang pulang yuta nga gigamit sa pigment, cosmetics, ug tradisyonal nga produkto.
Bisan pa sa kahadlok sa hitsura, giklaro sa mga eksperto nga kini usa ka natural nga proseso, ug dili timailhan sa polusyon o kalamidad.
Ang iron oxide o hematite sa yuta maoy hinungdan sa talagsaong kolor, nga hilabihan pa nga klaro kon kusog ang ulan.
Sa pagkakaron, nagpabilin nga atraksyon ang Red Beach alang sa mga turista ug photographer, ug mas nailhan kini human sa bag-ong panghitabo.
Ang Hormuz Island, nga nahimutang sa Strait of Hormuz, usa sa mga labing ilado nga destinasyon sa Iran alang sa mga mahilig sa talagsaong talan-awon ug natural nga kahibulongan.
