DAVAO CITY – Gipasalamatan og dako ni Davao City Mayor-elect Sebastian ‘Baste’ Duterte ang mga dabawenyos gumikan sa padayon nga pagsuporta ug kooperayson alang sa mas lig-on ug maayong kaugmaon alang sa dakbayan sa Dabaw ug nanumpa nga dili mausik ang pagsalig nga gihatag kaniya sa katawhang dabawenyo.
Sa iyang pagpamulong atubangan sa publiko human mihimo sa iyang pagpanumpa sa atubangan ni Judge Loida S. Posadas-Kahulugan, gikanayon sa mayor-elect nga kinahanglan ang matag usa makig-alayon ug mo-cooperarte aron masiguro ang mas maayong kaugmaon alang sa syudad.
Gipasalig ni mayor-elect Baste kinsa pormal nga molingkod sa pagka mayor sa Hulyo 1 nga prayoridad sa iyang administrasyon ang economic recovery ug ang poverty alleviation sa syudad.
Ang mga areas of focus ni Baste mao ang epesyenting public service, agriculture, infrastructure, peace and order, maayong panglawas, ug usaka sustainable environment.
Gikanayon usab ni Mayor-elect Baste nga maningkamot ang iyang administasyon aron masiguro nga magpadayon sa pag-operate ang mga negosyo ug magbaton ug daghang job opportunities sa syudad.
Hugot usab kining makig-lambigit sa mga lokal ug langyaw nga mga investors.
Andam sumala pa kini nga maminaw sa tanan kung unsaon sa pagpalambo ang syudad.
Via || Angie Chagas
