Laraw karun ni Davao City Mayor Sebastian Baste Duterte nga i-ban matud pa ang mga nagapromote og online gambling dinhi sa Dakbayan, gumikan sa negatibong epekto niini ngadto sa mga nagkadaiyang pamilya.
Gisuportahan sab kini ni Councilor Jessica Bonguyan ang maong sugyot sa mayor.
Nagpadayag si Bonguyan sa iyahang kabalaka labot sa mga dagko kaayo matud pa nga mga billboard ang nagkatag sa dakbayan sa Davao, diin nagapromote matud pa sa online gambling nga maoy makahatag og atraksyon ngadto usab sa mga minors nga musulod usab sa online nga sugal.
Giuyonan sab kini ni Duterte nga kinahanglan dili matud pa gina-encourage pinaagig pag promote og mga online pasugalan diin gipunting sab niini nga usab ra sumala pa kini ka dakong negosyo nga gidesinyo aron makahatag usab og addiction ngadto sa mga indibidwal nga ma lango sa sugal.
Hinuon, wala kini pakialam ang maong Mayor sa presensya sa online gambling, ang iyaha lamang ginatumbok mao ang pagkontrol og paunsa kini magpromote ngadto sa mga tao, susama sa sigarilyo nga adunay mga advertisement sa label niini nga makadaot sa panglawas ang pagpanigarilyo.
