DAVAO CITY – Midunggo ang Barkong Pilipinas (BRP) Gregorio del Pilar (FF15), usa ka frigate ship sa Philippine Navy sa Sasa Wharf ning dakbayan sa Davao human ang ilang partisipasyon sa International Maritime Defense Exhibition (Imdex) Asia 2017 nga gipahigayon sa Singapore.
Gikanayong ang Naval Task Group (NTG) 80.5 nga adunay 236 navy onboard ug gipangunahan ni commander Captain Donn Anthony Miraflor ang gitagbo ni Davao City Mayor Sara Duterte-Carpio ingon man nila ni Eastern Mindanao Command deputy commander Brigadier General Gilbert Gapay, Naval Forces Eastern Mindanao Mindanao Captain Ramil Roberto Enriquez ug Fleet-Marine Ready Force Commander Commodore Albert Mogol ug uban pang opisyal ug mga miyembro.
Sa iyang mensahe, gidayeg ni Duterte-Carpio ang NTG 80.5 gumikan sa ilang malampuson nga pagsalmut sa Imdex nga dakong tabang aron nga madungagan ang ilang kaalam partikular na sa maritime security aron nga maprotektahan ang nasud batok sa mga lawless armed groups, piracy, rebellion ug uban pang bahad.
Gitataw sab sa Mayor nga dungan sa deklarasyon sa martial law dinhi sa Mindanao, mas mapalig-on sab sa mga nahisgutan ang naval assets alang sa maayo ug epektibo nga maritime security.
