DAVAO CITY – Sugdan na karong adlaw nga Biyernes ang paghatag og quarantine pass sa Barangay Tugbok ning dakbayan aron nga masiguro nga mas mapahugtan pa ang pagpatuman sa mga sumbanan batok pagkuyanap sa Corona virus disease (Covid-19).
Kahinumduman nga una ng nagpahigayon ug tigom ang mga konsehal sa Barangay Tugbok ingon man si Police Major Ricky Obienza, hepe sa Tugbok PNP aron masabutan ang pagpanghatag ug quarantine pass.
Sumala pa kang Obienza nga ang matag pamilya hatagan ug tig-usa nga quarantine pass diin usa lamang ang tugtan nga makagawas samtang did-an kadtong mga tigulang nga edad 60 anyos pataas, buntis ug mga bata.
Una ng gibutyag ni Davao City Mayor Inday Sara Duterte Carpio nga iya na lamang gisalig sa mga opisyal sa Barangay kung paunsa ang ilang mamahimong lakang aron nga dili magsige ug gawas ang mga tawo nga sakop sa ilang lugar.
