DAVAO CITY – Gipahimangnoan ni Davao City Mayor Sara Duterte-Carpio ang mga barangay officials ug workers nga ang bakuna batok sa Covid-19 ang dili mandato hinungdan nga dili sumala pa tukma nga balibaran ang mga unvaccinated Dabawenyos nga maka-avail sa barangay services ilabi na sa panglawas sama sa immunization.
Tipik lamang ang pahayag sa Mayor human nga nakadawat ug report nga adunay pipila ka mga barangay sa dakbayan ang wala naghatag ug serbisyo sa mga dili bakunado nga residente.
Mas maayo sumala pa nga i-report ang susama nga lakang sa regional office sa Department of Interior and Local Government (DILG 11) arun nga mahisgutan ang susama nga sitwasyon.
Sa milabay nga Enero niining tuig kasamtangan, nagpagula ug kamandoan ang lokal nga kagamhanan nga dili magpatuman ug restrictions sa mga dili bakunado nga mga residente sa dakbayan ug gani gihatagan pa ug kagawasan ang katawhan nga makapili.
Samtang dungan sa pagsugod sa rollout sa booster doses, gipahimangnoan ang mga Dabawenyos nga magpa-booster shots arun malikayan nga dili mugrabe ug musangpot sa critical case sa higayon nga matakdan ug Covid-19 disease.
Makatabang sab sumala pa ang booster shot arun nga malikayan ang pagdasok sa mga pasyente nga madala sa balay tambalanan ilabi na sa mga nagpositibo sa kagaw ingon man dili na mapatuman sa dakbayan ang lockdown.
