DAVAO CITY – Arun nga mamahimong komportable ang mga inahan nga pabakunahan ang ilang mga anak nga nag-edad ug 5 ngadto na sa 11 anyos, laraw sumala pa nga ipatuman sa dakbayan ang Barangay based vaccination.
Sumala pa kang Dr. Josephine Villafuerte, head sa covid-19 vaccination cluster, nga anaa pa gihapon ang mga vaccination sites sa mga Mall apan mamahimong dali sa uban nga ginikanan kung himuon kini sa barangay aron nga dili na kini layo kanila.
Gitino sa opisyal nga lahi ang lane sa mga bata ug mga tigulang ilabi na nga dili susama ug dose ang mga nahisgutan.
Padayon sab karun ang ilang pakiglambigit sa mga tulonghaan aron nga makapahigayon sab sila ug pagbakuna sa mga bata ilabi na karun nga nagpadayon na ang face to face classes.
Sa kasamtangan adunay lima ka mga mall sa dakbayan diin mamahimong makapahigayon ug pagbakuna sa mga bata diin gilugwayan na sab kini hangtud sa Sabado.
