DAVAO CITY- Giinspeksyon sa Ancillary Services Unit (ASU) ang mga nagkadaiyang kakanalan sa Panacan ning syudad, human nga aduna matud pa silay nadawatan nga report ngadto sa ilahang buhatan gumikan usa sumala pa sa mga rason og nganong adunay mga kalit nga mga pagbaha, mao ang mga basura nga nagbara sa mga kanal.
Atol sa ilahang pagsuta, nakita gayud ang kamatuoran niini, diin aduna gayud mga basura nga nagabara sa mga drainage o agihanan sa tubig kanal.
Miawhag usab karun ang mga taga ASU ngadto sa mga residente sa naasoyng dapit nga dili ilabay ang ilahang mga basura ngadto sa mga kakanalan gumikan sila ra usab ang maalaot niini, og ugaling adunay matigayong makusog nga bundak sa ulan.
Pinaagi sa maong inisyatiba, gilayong gilimpyohan kini sa mga sakop sa City Environment and Natural Resources Office (CENRO) ang dapit.
Lakip sab nga mibuhat og lakang karun ang taga LGU aron nga mapugngan ning ingun aning mga panghitabo nga pagkawalat disiplina sa pipila ka mga indibidwal.
