DAVAO CITY – Gipasalig sa mga sakop sa Ancillary Services Unit (ASU) nga magpadayon ang ilang pagpahigayon ug operasyon batok sa mga sidewalk vendors nga mobalik pa gihapon sa ilang puwesto luyo sa kamandoan nga dili babagan ang pipila ka mga kadalanan sa siyudad.
Kahinumduman nga subling gironda pagbalik sa mga sakop sa ASU ang bankeron kagahapong adlaw diin ubay-ubay na sab nga mga tindahan ang gipangbungkag.
Gikanayong gawas sa mga nakababag sa kadalanan, ang mga vendors sab sumala pa ang rason nganong sagad nga magbara ang mga kanal sa mga palengke.
Kahinumduman nga gihatagan sa Department of the Interior and Local Government (DILG) ug 75 ka adlaw ang mga Local Government Units (LGUs) nga magpahigayon ug clearing operation sa mga kadalanan nga adunay nakababag.
Una na sab nga gibutyag ni DILG 11 regional director Alex Roldan nga kinahangalan motabang ang mga sakop sa kapulisan sa mg ginapahigayon nga clearing operationaron nga magpatunga ilabi na nga adunay mga manindahay ang magmagahi sa paghawa sa ilang mga puwesto.
Hinuon una na sab nga gipasalig ni Police Capt. Rose Aguilar, tigpamaba sa Davao City Police Office (DCPO) nga andam kanunay ang mga kapulisan nga mohatag ug assistance sa higayon nga adunay ipahigayon nga mga clearing operation aron masiguro sab ang seguridad sa mga magpatuman niini.
