DAVAO DEL SUR- Patay ang kwarentay otso anyos nga bana human gidungab sa iyahang kaugalingong asawa pasado alas dose ang takna sa udto sa Barangay Purok Sais, Barangay Tagansule, Malalag, Davao del Sur.
Subay sa report gikan sa kapulisan, giila ang suspek nga si Alyas Gene, 37 anyos, minyo, usa ka ka housekeeper ug residente sa nasampit nga lugar. Samtang ang biktima giila nga si Bernabe Tangug Cañedo.
Subay sa gihimong imbistigasyon sa kapulisan, nagkalalis sumala pa ang magti-ayon niadtong tungura nga miresulta sa pisikal nga panag-away ug miresulta sa pagpanunggab sa suspek ngadto sa biktima nga iyahang bana nga miresulta sa pagkamatay niini diha-diha dayon.
Sumala pa nga human sa maong panghitabo, gilayon nga mitahan si alyas Gene sa kapulisan sa border control point nga nahimutang sa Sitio Baluyan, Brgy Bolton, Malalag, Davao del Sur.
Samtang padayon pa sab nga ginasuta karon kung unsay hinungdan sa panaglalis sa magti-ayon nga miresulta sa pagdunggab patay sa asawa sa iyahang bana nga karon gikustudiya na sa kapulisan.
