DAVAO CITY – Nanawagan ang ahensiya sa Bureau of Fisheries and Aquatic Resources (BFAR) Davao Region nga motamud sa ilang gipagula nga mga advisory aron nga dili mabutang sa risgo ang panglawas.
Kini adunay kalabotan sa ilang pahimangno sa publiko nga delikado pa gihapon ang pagkaon ug mga kinhason nga gikan sa Balite Bay sa Mati City, Davao Oriental ug baybayon nga sakop sa Sta. Maria, Davao Occidental gumikan positibo pa gihapon kini sa red tide.
Base sa pinakabag-o nga resulta sa laboratory sa BFAR central office ug sa local government units (LGUs), ang mga kinhason ug alamang nga gikan sa maong mga lugar ang di luwas kaunon gawas lamang sa mga mga isda, nukos, pasayan, lambay, ug alimango apan kinahanglan tarungon kini paghugas ug kuhaon ang mga tina-i ayha lutuon.
Si BFAR-Davao Region director Fatma Idris nagkomperma sa maong taho, ug miingon nga unang higayon kini nga kaso sa Sta. Maria, Davao Occidental.Sa Balite Bay, ang BFAR officer nagbutyag nga matag summer season makasinati gayod og red tide ang maong lugar.
Gikanayong ang mga lugar sa San Pedro Bay sa Western Samar, Lianga Bay sa Surigao del Sur, ug coastal waters sa Dauis ug sa siyudad sa Tagbilaran sa Bohol, nagpositibo sab sa paralytic shellfish poison.
Mohatud sumala pa ug lain nga epekto sa lawas ang pagkaon ug mga produkto sa dagat nga apektado ug red tide diili delikado kini sa mga tawo nga aduna sumala pay severe o chronic respiratory conditions, sama sa emphysema o asthma.
