Hingpit na nga nahimong balaod ang sugyot nga nagtugot kang Pang. Ferdinand Marcos Jr. nga maminusan o isuspinde ang excise tax sa mga produktong petrolyo.
Kini nahitabo human gipirmahan sa Pangulo ang Republic Act No. 12316. Ilawom sa balaod, gihatagan ang pangulo og emergency powers aron suspendihon o kunhuran ang excise tax base sa rekomendasyon sa Development Budget Coordination Committee (DBCC) ug sa kolaborasyon sa Kalihim sa Department of Energy.
Matod sa balaod, ang suspension o pagkunhod mamahimong ipatuman sa espesipikong produkto sa petrolyo o mahimo kini nga tibuok suspensyon o gamay nga pagkunhod depende sa kahimtang sa ekonomiya ug presyo sa lana.
Gipahinumduman usab nga ang pagpapatuman sa suspension o pagkunhod sa excise tax dili molapas sa tulo ka bulan sulod sa usa ka tuig.
Kabahin kini sa mga lakang sa gobyerno aron mapagaan ang epekto sa pagsaka sa presyo sa petrolyo sa mga mamumuo, ilabi na sa pamasahe, presyo sa palaliton, ug gasto sa transportasyon.
Ang balaod mahimong epektibo sa Kinsi ka adlaw human kini mapatik sa Official Gazette o sa usa ka pahayagan nga daghang sirkulasyon.
