DAVAO CITY – Nagpadayon karon ang paghatag og hinabang sa ahensiya sa Department of Social Welfare and Development Office (DSWD) ngadto sa mga residente nga naapektohan sa linog sa milabay nga bulan nga nasundan pa og kusog nga patay-og sa milabay nga adlaw.
Una ng gibutyag ni Erna Sampiano, Disaster division chief sa DSWD-11, nga ila ng nadawat ang dugang P85 milyones ka pesos nga budget alang sa food ug non-food items nga ilang ihatag sa mga nabiktima sa linog.
Samtang laoman sumala pa nga madungagan na sab ang mga bakwit gumikan sa kusog nga linog sa milabay nga adlaw diin pipila niini nakasinate na og trauma.
Gipasalig sa ahensiya nga hangtud anaa pa sa mga tent ang mga residente, padayon nila kini nga imonitor ug hatagan sa ilang panginahanglan.
Subay sa datus gikan sa ahensiya, mikabat na sa 22,659 ka mga pamilya ang apektado, 2,186 ka mga balay ang nangadaut ug 7,525 ka mga balay ang apektado.
