DAVAO CITY – Magpadayon gihapon ang bakunahan batok COVID19 sa tibuok Davao Region karong bag-ong tuig.
Sumala ni DOH Davao vaccination head nga si Dr. Janis Olavides, miabot sa 88.1% gikan sa 3.7 million na target population sa rehiyon ang nakadawat na sa duha ka primary doses una pa man matapos ang nilabayng tuig 2022.
Sumala sab sa datos gikan sa ahensya, pinakadaghan ang nabakunahan sa Davao City nga niabot sa 101.3% vaccination coverage.
Sunod ang Davao Oriental nga dunay 89.7%; Davao del Norte sa 85.2%; Davao de Oro sa 77.7%; Davao Occidental nga anaa sa 76.8%; ug Davao del Sur nga naabot ang 73.4% nga target population.
Pakusgan pa sa ahensya ang bakunahan karong tuiga ug mas lugwayan pa kini alang sa mga nakadawat ug booster doses alang sa dunay additional doses, mga kabatan-onan, ug mga senior citizens.
Nanawagan pag-usab ang DOH Davao ngdto sa katawhan nga pahimuslan ang gitanyag sa gobyerno nga bakuna aron malikayan ang posibleng pag-usbaw kon surge sa mga natapdan sa maong kagaw dinhi sa nasud.
via || Bombo LJF
