Magdumala ang mga regional office sa Department of Social Welfare and Development (DSWD 11) ug Department of Labor and Employment (DOLE 11) og Trabaho sa Bagong Pilipinas Job Fair 2025 sa Tagum City Hall atrium ugmang adlawa, Pebrero 15, 2025.
Ang job fair nagtumong sa paghatag og oportunidad sa trabaho sa mga benepisyaryo sa 4Ps kon Pantawid Pamilyang Pilipino Program, ilabi na sa mga naggikan sa maong programa.
Sumala pa ni Merlinda A. Paragamac, OIC Regional Director sa DSWD 11, nga adunay 3,000 ka benepisyaryo sa 4Ps nga target nga makiglambigit sa maong job fair.
Gikanayon usab ni Margie Cabido-Sobretodo, 4Ps Division Chief sa DSWD 11, nga gikan sa 2024, adunay 75,016 ka benepisyaryo nga humana sa maong programa.
Makahatag sumala pa kini og oportunidad sa mga indibidwal nga miyembro sa 4Ps program nga makapangita og trabaho nga gitanyag sa mga ‘internal stakeholders’ ug ‘partner agencies’.
Gibutyag ni DOLE 11 Director, Atty. Randolph Pensoy, nga adunay 809 ka bakante nga posisyon ug siyam sumala pa ka employer ang nagpakita na sa ilang intensyon nga makiglambigit sa maong job fair.
Ang mga nag-una nga bakanteng trabaho alang sa mga lokal naglakip sa customer service representatives, cashiers, baggers, clerks, encoders, financial advisors, inventory specialists, ug forklift operators.
Dugang pa sa opisyal nga ang mga industriya nga mulambigit naglakip sa administrative ug support service activities, financial ug insurance activities, information ug communication kon BPO, construction, wholesale ug retail, ug hospitality, samtang ang mga establisimyento nga mulambigit naglakip usab sa mga malls, multipurpose cooperatives, supermarkets, events ug catering, manpower, ug BPO.
