DAVAO CITY – Mas mapahugtan ug mas dali na ang ipahigayon nga paghiling sa mga sakop sa otoridad sa gimuntar nga bag-ong security machine kalakip na ang bag-ong walk-through metal detector ug x-ray baggage scanner nga gigahin sa lokal nga panggamhanan sa Lasang checkpoint ning siyudad.
Sumala pa kang Task Force Davao (TFD) commander Colonel Consolito Yecla, tugtan lamang nila ang mga pasahero nga molabang niini sa higayon nga moabot na ang air conditioning unit.
Kahinumduman nga una na sab nga nagpahimutang ug susama nga pasilidad sa checkpoint sa Sirawan ning dakbayan aron nga masigurong walay mga kontrabando nga ipayuhot pasulod dinhi sa dakbayan sa Davao.
Gikanayong sab ni Capt. Jonathan Sarausas, commander sa Task Group Lawin sa TFD, nga gipahimutang ang nahisgutan nga pasilidad aron nga mas epektibo ang ilang mamahimong trabaho ilabi na ang pagpugong sa mga adunay dautan nga plano.
Samtang gitambagan sab niini kadtong mga pasahero nga adunay dala nga mga mahait nga butang sama sa sundang nga mas maayong putuson kini ug ibutang sa compartment sa bus.
