DAVAO CITY – Andam na sa iyang mamahimong tahas si Nathaniel Dalumpines nga gituboy isip bag-ong officer in charge (OIC) sa Mindanao Development Authority (MinDA) human ang pagpanaw ni kanhi Secretary and Chairman Datu Abul Khayr Alonto.
Gawas sa iyang bag-ong trabaho isip MinDA OIC-secretary, magpabilin sab kini sa iyang trabaho isip assistant secretary sa Mindanao Concerns ilalom sa Office of the President.
Nasayran nga si Dalumpines naghupot sab sa posisyi isip chief of staff, Davao City Mayor’s Office sukad 2014 hangtud 2016. Isip OIC-secretary sa MinDA, siguruhon ni Dalumpines nga mapadayon ug epektibo nga mahatud ang public service ingon man mapadayon ang socioeconomic nag mandato sa MinDA.
Magsilbi sab ang nahisgutan isip Philippine signing Minister sa Brunei Darussalam Indonesia Malaysia and Philippines East Asian Growth Area (Bimp-Eaga).
Sa tuig 1985, napili si Dalumpines isip charter president sa Davaweno residents sa Los Angeles.
Sa tuig 90s, nahimo kining abogado ug nagsilbing legal assistant sa Jaime V. Lopez law firm sa Mid-Wilshire Blvd., Los Angeles.
