DAVAO CITY – Gikoronahan na isip bag-ong Mutya ng Davao 2023 si Maria Isabel Pelayo, taga-Barangay Indangan, Buhangin, Davao City.
Kana sa ika-50 nga coronation night sa pageant nga gipahigayon sa University of Southeastern Philippines Gymnasium and Cultural Center, kagabii.
Gidagsang sa mga fans ug pageant enthusiasts ang maong indigay diin 30 ka mga kandidata ang gisalang nga dunay nagkandaiyang adbokasiya sa alang sa dakbayan.
Gikan sa 30 ka mga kandidata, 5 ka mga Dabawenya ang nahimong title holders sa maong pageant.
Nahimong Fourth Runner-up o Patnubay ng Davao si Piligrina Jendy Bentayao; Pag-asa ng Davao o Third Runner-up si Dulce Amor Lumictin; Sinag ng Davao o Second Runner-up si Jamyla Diane Ampis; ug Diwa ng Davao o First Runner-up karong tuiga si Joanna Marie Franken.
Gawas sa titulo, nakasakmit ang mga bag-ong Hiyas og cash prize nga ilang magamit sa mga tagsa-tagsa ka advocacies.
Musalmot sab ang mga mananaog sa Parada Dabawenyo karong adlawa isip first public appearance human sa ilang pagkadaog isip mga bag-ong rayna sa dakbayan.
via || Bombo LJF
