Nisaka na sa 74 ang ihap sa bag-ong kaso sa dengue sa mananglahing sa baranggay sa Tagum City.
Sa gipaguwa nga latest data sa City Health Office-Tagum, gikan Hulyo 28-Agosto 3, nisaka na sa 74 ang bag-ong kaso nga natala sa buhatan diin nakatampo sa 1101 cases gikan Enero hangtod Agosto 3, ning tuig kasamtangan.
Nag-una ang Brgy. Visayan Village nga adunay 157 nga kaso, gisundan kini sa Brgy. Mankilam nga adunay 148 cases, ug Apokon nga adunay 136 cases.
Alayon niini, subling gipahinumduman sa buhatan ang tanang residente sa Tagum City sa pagsunod sa 5S nga mao ang susihon ug wagtangon ang mga itloganan sa lamok, sigurohon ang pagprotekta sa kaugalingon batok sa lamok, sayo nga pagpakonsuta sa pinakaduol nga Barangay Health Center, suportahan ang pag-spray kung adunay hulga sa usa ka outbreak, ug sustain hydration.
Samtang dinhi sab sa dakbayan, padayon ginabantayan ang Brgy, 76-A nga usa sa mga hotspots sa sakit nga dengue.
Kalakip sa nakatampo niini mao ang sunod-sunod nga pag-ulan rason nga gipakusgan karon sa buhatan ang pagsunod sa mga residente sa mga angay niining buhaton aron nga dili mabutang sa peligro ang kinabuhi sa mga bata o bisan kinsa mang myembro sa pamilya.
