-- ADVERTISEMENT --

DAVAO CITY – Hingpit na nga gideklara sa National Commission on Indigenous People (NCIP) ang posisyon sa Indigenous Peoples Mandatory Representative (IPMR).

Sumala pa kang NCIP-Davao regional director Geroncio Aguio nga naka-isyu na sila ug Certificate of Termination kang Bai Halila Sudagar sa milabay nga adlaw nga nagdili na kaniya sa paghupot ug posisyon sa City Council IPMR.

Gitataw sab ni Aguio nga hatagan na lamang ug hangtud Hulyo 30 si Sudagar nga bakantehon ang iyang posisyon human nga naka-isyu na matud pa ang NCIP ug Certificate of Affirmation (COA) gikan sa central office nga nagtugot sa bag-ong napili nga si  Datu Demetrio Bolo sa  Bagobo Klata/Guiangan tribe aron nga molingkod sa maong posisyon.

Laoman nga magsugod na si Bolo sa iyang katungdanan sa bulan sa Agosto.

Kahinumduman nga gikuwestiyon karon sa pipila ka mga konsehal ning dakbayan ang status ni Sudagar kung nganong kalakip pa gihapon ang pangalan niini roll call sa City Council.

-- ADVERTISEMENT --

Samtang gibutyag sab sa NCIP nga nakiglambigit na sila karon sa  City Council kalabot sa IPMR status.