DAVAO CITY – Gi-isip nga usa ka dakong hagit sa iyang katakos ni Major General Jose Eriel Niembra ang pagkatudlo kaniya isip commander sa 10th Infantry Division sa Philippine Army.
Kagahapong adlawa, Enero 27, gipahigayon ang seremonya sa Change of Command alang kang Niembra hulip sa meritero nang si General Nolasco Mempin sa Camp General Manuel T. Yan Sr. sa Brgy. Tuburan, Mawab, Davao de Oro kagahapon sa hapon uban sa Guest of Honor nga si Lt. Gen. Romeo Brawner Jr., ang commanding general sa Philippine Army.
Gikanayon ni General Niembra nga bisan pa man og wala nay dagkong mga bahad sa pagsabwag og kagubot sa mga komunistang grupo, dili lamang gihapon angayang mokumpiyansa ug walay puas ang kaandam sa kasundalohan batok sa mga wala gilaumang dautang mga panghitabo.
Si Maj. Gen. Jose Eriel Niembra mao ang ika-15 nga commander sa 10th ID ug lumad nga taga Polomolok, South Cotabato.
Na-una na kining nagsilbi isip Inspector General sa Philippine Army ug Chief of the Intelligence Service sa Armed Forces of the Philippines sa wala pa kini gi-designate isip 10ID commander.
Nagsilbi usab kini isip commander sa 701st Infantry Brigade sa Davao Oriental, 58th Infantry Battalion ug commander sa Presidential Security Group hinungdan nga dako na lamang kaayo ang iyang kaguol sa dihang nalambigit si General Jess Durante sa pagpatay sa modelong si Yvonne Chua Plaza.
via || Bombo AFS
