DAVAO REGION- Naghatag og pagklaro si Shayne Sampiano, head sa Domestic Adoption Unit at Regional Alternative Child Care Office-Davao Region kon RACCO-Davao nga ang RA 11642 o nailhan nga “Domestic Administrative Adoption and Child Care Act” ang mamahimong administrative na ang proseso sa pag-adopt ug dili na judicial.
Sumala pa niini nga ang bag-ong balaod sa pag adopt ang nagbalhin sa tanan adoption cases ngadto sa National Authority for Child Care kon NACC ug dili na ang Department of Social Welfare and Development kon DSWD ang mogunit niini. Ubos sa bag-ong balaod sa pag-adopt, ang NACC na ang mamahimong one-stop quasi-judicial agency.
Diin mao na kini ang molantaw sa tanang administrative domestic adoptions, foster care,sertipikasyon sa bata nga mamahimong legal nga pwede ma adopt ug ang Stimulated Rectification Act.
Ang NACC mao na karon ang adunay gahum ug function kalabot sa alternative child care, foster care, kinship care, family-like care ug lakip ang residential care.
Matud pa ni Sampiano nga ning kasamtangan bulan sa Hunyo, 2024 adunay 64 ka lisenced foster families dinhi sa Davao Region diin kini ang adunay 82 ka mga bata nga anaa sa ilahang pag-atiman.
Gihatagan usab niya og gibug-aton ang mandatory nga pagpakita niadtong nagtinguha nga mosagop ubos sa NACC isip quasi-judicial atubangan sa usa ka opisyal sa Racc, diin sa dili pa sila kinahanglan nga moatubang sa usa ka maghuhukom.
