Bag-ohay ang piloto sa nahagsa nga spray plane sa Davao del Norte

DAVAO CITY   –  Nasuta sa imbestigasyon sa kapolisan nga bag-ohay nga piloto ang mipalupad sa agricultural spray plane nga nahagsa sa Mangalkal, Carmen, Davao del Norte niadtong Sabado sa buntag. 

Subay sa impormasyon  nga nahipus sa kapolisan sa gilusad nga imbestigasyon labot sa piloto nga si Jessie Keven Ladapa, 25 anyos nga taga-Lapu-Lapu City, sa lalawigan  sa Cebu. 

Anaa sa pag-spray sa banana plantation sa Carmen ang biktima sa dihang nahagsa kini human masangit sa high tension cable sa NGCP. 

Gisuta pa karon kun mechanical o human error ang hinongdan sa pagkahagsa sa spray plane nga nahagsa sa nangliki nga basakan Purok 1, Mangalkal, Carmen, Davao del Norte.