Nakabsan sa kinabuhi ang usa ka babaeng senior citizen gumikan sa mga samad ug bun-og nga naagkon sa kalawasa human nabanggaan sa kotse atubangan sa sementeryo pasado alas 7:00 sa gabii.
Subay sa report gikan sa Calinan PNP, giila ang biktima nga si alyas Evangeline, 62-anyos, minyo, nga taga Purok 9, New Loon, Tugbok District.
Samtang ang drayber sa sakyanan giila nga si alyas William 35-anyos, minyo, nga taga Purok 4-B, Gumalang, Calinan, ning dakbayans a Davao.
Subay sa inisyal nga imbistigasyon sa kapulisan, ang biktima gikan nanagkot sa Mt. Apo Gardens Cemetery sa nasampit nga lugar apan sa iyahang pagtabok sa pedestrian lane sa Davao-Bukidnon Road, atubangan sa nasampit nga sementeryo kalit kining nabanggaan ug nalagpot semento nga karsada.
Tungod sa kakusog sa impact sa pagkabangga nakabsan gilayon sa kinabuhi ang biktima.
Dali usab nga gikustudiya ang drayber sa kapulisan lakip ang sakyanan.
