DAVAO CITY – Patay ang usa ka babae samtang samdan usab ang bana niini human nadat-ugan sa nahugmak nga pader duol sa ilang balay atol sa nahitabong Magnitude 6.9 nga linog kagabii sa Prk.3, Brgy. La Filipina, Tagum City, Davao del Norte.
Giila ang mga biktima nga sila Kenneth Joy Gemarino ug ang bana niining si John Ryan Martyr.
Saysay sa kabanay sa biktima, daling nigawas ug dayong nidagan ang duha atol sa kusog nga pagtay-og sa kayutaan kagabii, apan wa damhang nadat-ugan kini sa pagkahugmak sa taas nga pader sa ilang giagian.
Gidala pa sa balay tambalanan ang duha apan gideklara nang dead on arrival ang nahisgutan.
Nasayran usab nga duha ka bulan nang mabdos si Joy ug plano pa untang i-surprise ang inahan niini sa umaabot nga adlaw, apan nakabsan na kini sa kinabuhi.
Sa kasamtangan, padayon pang nagapaalim ang bana niini sa balay tambalanan.
via || Bombo ME & Bombo LJF
