DAVAO CITY- Gipamugos ni Atty Israelito Torreon nga illegal ang Plano nila PNP chief Rommel Marbil ug PRO ll Regional Director PBGen Nicolas Torre lll nga ipa-busikad ang kilid nga bahin sa elevator sa Jose Maria College nga posibling gitaguan ni Pastor Apollo Quiboloy.
Sumala ni Atty Israelito Torreon, abogado sa KOJC, nagtuo sila Marbil ug Torre nga adunay bunker sa nahisgutang dapit diin gituohan nga posibling didto nagtago si Quiboloy.
Nanawagan si Torreon uban sa kinatibuk-ang sakop ug mga opisyal sa KOJC nga dili ipadayon sa nahisgutang mga PNP official ang ilang plano sanglit bugtong gihuptan lamang sa kapulisan mao ang warrant of arrest batok kang Pastor Quiboloy ug wala niini gisakop ang bisan unsa man nga “search” sa usaka propedad nga gipanag-iyahan sa mga pribadong indibiduwal.
Kung ugaling ipadayon ang maong plano, gitataw ni Torreon nga usa kini ka dakong kalapasan sa tawhanong katungod sa mga sakop sa KOJC.
Direktang nanawagn si Torreon kang Pangulong Ferdinand Marcos Jr. nga mopagawas ug kamanduan nga ipahunong na ang nahisgutang operasyon.
Nanawagan usab si Torreon kang Davao City Mayor Baste Duterte nga ipatawag ang local Peace and Order Council ug mopalabang ug usaka resolution nga mohatag ug katin-awan si Marbil ug Torre nganong dili mopahigayon kini ug pagpa-momba sa maong dapit.
