DAVAO CITY – Mipadayag ug kabalaka si Konsehal Melchor Quitain, majority floor leader sa 18th City Council sa pagtuboy sa National Commission On Indigenous People (NCIP) ug bag-ong Bagobo Klata IP Mandatory Representative sa Davao City Council pinaagi kang Datu Demetrio Bolo.
Kini gumikan kay wala pa nahukman ang giduso nga petition ni Cherry Ann Codilla human gipakawad-an ug bili ang pagkatuboy kaniya isip IPMR sa Bagobo Klata gumikan sa pag-kwestyon sa iyang blood line.
Sumala pa kang Quitain nga alang kaniya mas maayo nga hulaton na lamang una kung makapagula na ug hukom ng korte suprema sa kaso ni Codilla aron nga dili magpatong-patong ang problema.
‘If the matter is alreay a subject to court litigtion, I will always favor the decision of the court. This is not the view of the City Council, this is my personal view as a lawyer.’ Si City Councilor Atty. Melchor Quitain.
Miduaw kagahapon sa konseho si Datu Demetrio Bolo aron nga makighimamat unta sa mga konsehal, apan na-adjourn ang session gumikan sa kakulang sa decorum.
Gitataw sab hinoon ni Datu Bolo nga mag-agad pa gihapon siya sa mamahimong lakang sa NCIP ayha hingpit nga mangatungdanan isip representante sa Bogobo Klata sa konseho sa dakbayan.
‘Maghulat ta ug unsa ang mga resulta sa mga movement sa NCIP. Ako mituman lang ko isip IPMR sa tribu.’ Pagtin-aw ni Datu Demetrio Bolo.
