DAVAO CITY – Padayon karon nga girumbo sa mga sakop sa Ancilliary Services Unit (ASU) ug City Transport and Traffic Management Office (CTTMO) ang mga sidewalk dinhi sa dakbayan aron nga malimpiyohan kini batok sa mga illegal vendors.
Kahinumduman nga kagahapong, adlaw nagpahigayon ang operasyon ang nahisgutan nga ahensiya sa Tulip Drive sa Matina ning siyudad diin ubay-ubay ka mga gamit sa mga sidewalk vendors ang gipangkumpiska.
Laraw sumala pa karon sa ASU ug CTTMO nga tapuson na ang problema sa mga sidewalk vendors ayha matapos ang bulan sa Oktubre.
Sumala kang CTTMO head Dionisio Abude nga wala na silay ihatag nga lugway alang sa mga sidewalk vendors sanglit natapos na sab ang tagal nga gihatag sa Department of Interior and Local Government (DILG).
Dili na sab sumala pa kinahanglan nga maghulat ang mga nahisgutan nga makadawat ug notice of violation ayha nila bungkagon ang mga ilang mga gipangtukod nga mga tindahan.
Angayan sumala pa nga mangunay na lamang ang mga ambulant vendors sa paghimo ug lakang aron nga dili makumpiska ang ilang mga butang atol sa ipahigayon nga demolisyon.
