DAVAO CITY- Miabot sa kapin 3,000 cubic meter sa basura ang nakuha sa Ancillary Services Unit kon ASU gikan sa nagkadaiyang mga agian sa tubig sa dakbayan sa dabaw.
Sumala pa ni ASU Head Paul Bermejo nga ang mga lugar sama sa barangay ug subdivision mao ang sagad nilang makuhaan og daghang basura og nakadala gayud og kabalaka kanila base sa Davao City Reports.
Matud pa ni Bermejo nga lakip niini ang mga ginabalik-balikan nga flood-prone areas ug kadtong mga naga request gikan sa mga brangay.
Base sa datos sa ASU, nga ang 3,334 cubic meters nga nakuhang basura ang gikan sa bulang Enero tuig 2024 hangtod Hunyo tuig 2024 gikan sa kinatibuk-ang 17,348 meters o sobra sa 17 kilometros nga mga kanal.
Matud pa niini nga ang buhatan sa ASU ang adunay 3 ka grupo alang sa clearing operations. Aduna pud matud pay grupo alang sa night duty.
Sigon pa ni Bermejo nga dakong tabang alang kanila og ang matag barangay ang buhaton usab ang ilahang parte pinaagi sa pagpanglimpyo sa mga canal bisan pa man nga walay nahitabong pag-ulan o pagbaha.
Ilaha usab gina-awhag ang katawhan nga ilabay ang husto ang ilahang mga basura.
