Nanawagan si Sen. Erwin Tulfo nga paimbestigahan pag-ayo ang asawa sa commissioner sa Commission on Audit gumikan sa pagkalambigit sa anomaliya matud pa sa flood control project.
Mukabat matud pa sa P200-M ang kantidad nga nakuha sa asawa ni COA Commissioner Mario Lipana nga mao si Marilou Lipana nga First Nominee sa Vendors Partylist.
Si Lipana ang presidente sa Olympus Mining and Builders, nga nakakuha og duha ka sa San Miguel, Bulacan nga mukabat og P91.67-M alang sa upstream portion sa suba nga proyekto ug P86.84-M alang sa downstream portion nga proyekto.
Gani, gumikan sa maong impormasyon, nabalaka matud pa si Tulfo og unsaon kini pag-imbestiga gumikan ang mismong asawa sa COA na ang nalambigit.
Sa karon, wala pay pahayag si Lipana labot sa alegasyong pagkalambigit niini sa anomaliya sa flood control project.
Subay sa balaod nga nakalatid sa 1987 Constitution ug RA 6713, hugot nga ginabawalan ang mga opisyal sa constitutional commissions sama sa COA ang pagbaton og direktang interes sa bisan unsang kontrata sa gobyerno.
