DAVAO REGION- Padayon nga nagpaalim sa samad tinigbasan sulod sa ospital ang usa ka asawa nga nabiktima sa iyahang kaugalingong bana human nga gitigbas.
Subay sa report sa kapulisan, giila ang biktima nga si Claire Ann Reyes, 35-anyos, samtang ang suspek nga iyahang bana naila nga si alias Dexter 34-anyos, usa ka traysikol drayber nga mga residente sa Laminosa Village, Sitio Punta Biao,Brgy. Cogon, Digos City, Davao Del Sur.
Sumala pa sa inisyal nga imbistigasyon sa kapulisan, pasado ala-una ang takna kaganihang kaadlawon, nagkalalis sumala ang suspek ug biktima sa wala masayri nga rason nga miresulta sa pagpanigbas gamit ang usa ka sundang.
Naigo ang biktima sa wala nga bahin sa kamot, bukton, agtang ug sa likod nga bahin.
Tungod sa nahitabong kaguliyang, miresponde gilayon ang ugangan nga lalaki sa suspek nga si Ronnie Caña 57-anyos aron nga pakalmahon ang sitwasyon lakip usab ang uyuan sa suspek nga si Janrick Caña 37-anyos, apan inay nga makalma ang suspetsado nanigbas na hinuon kini sa mga nahisgutan hinungdan nga nakaangkon usab kini ug tinigbasan sa agtang ang ugangan samtang ang uyuan niini naigo sa bukton.
Dali nga narespodehan ang kagubot sa mga silingan ug taga Baranggay hinungdan nga nadakpan ang suspek samtang gidala sa Davao Sur Provincial Hospital ang mga biktima nga karon
