Gikalipay ni Senator Risa Hontiveros ang pagkaaresto sa mga awtoridad sa puganteng si Apollo Quiboloy.
Matod pa sa Senadora nga nanguna sa pag-imbestiga sa Senado sa mga kasong pagsupak sa tawhanong katungod ni Quiboloy, ma-ihap na lamang ang mga adlaw nga naghari-harian, pangbastos sa balaod, nangabuso sa mga kababaihan, kabatan-unan ug sa mga katawhang Pilipino.
Dugang pa sa magbabalaod nga dili madaganan ni Quiboloy ang balaod ug dili niini mapalangan ang hustisya sa mga gipang-abuso niini.
Gipasalamatan usab sa senadora ang mga victim-survivors nga maisugong nagsulti sa kamatuoran sa mga pagdungog ug hapit na makab-ot ang hustisya.
Gisaluduhan usab niini ang mga law enforcement agencies sa ilahang dedikasyon bisan paman sa gipakitang mga taktika ni Quiboloy.
Dugang gipahayag sa senadora, karon nga naaresto na si Quiboloy, magpadayon na ang imbestigasyon sa Senado aron matuldukan na ang sistematikong pagpangabuso niini sa pinaka-vulnerable sa katilingban.
