DAVAO CITY – Gipahimangnoan sa Davao City Anti-Scam Unit ang mga Dabawenyo batok sa fake wedding packages nga ginatanyag online ug gidasig ang mga nahisgutan nga kanunay nga sutaon ang business permit sa mga organizers.
Gikanayon ni Anti-Scam Unit Head Simplicio Sagarino, kinahanglan nga tan-awon gayud sa mga magtiayon kung aduna bay permit gikan sa BIR ug sa business bureau ang mga organizers.
Kinahanglan usab nga himamaton sa kaslonon ang ilang wedding organizers ug dili lamang hisgutan ang event online.
Gipagawas ni Sagarino ang pahimangno human makadawat og mga reports nga adunay 30 ka mga kaslonon ang sumala pa na-scam sa usa ka Davao based organizer kinsa nag-offer og package nga nagkantidad ug P65,000 nga naglakip sa venue, pagkaon, ug ang gown sa babayeng kaslonon.
Ang nahisgutang mga couple ang nakabayad na og halos full ug kapin sa 50% apan walay kasal nga nahitabo.
Samtang gibutyag usab ni Sagarino nga nakadawat ang iyang buhatan og official complaints gikan sa unom ka mga paresan sa kasal.
Gipadal-an na usab og letter of invitation ang organizer ug gikatakda sa July 6, 2022, adlaw nga miyerkuels ang usaka dialogue tali sa duha ka partido aron hisigutan ang maong reklamo.
Via || Angie Chagas
