DAVAO CITY – Gikalipay pag-ayo sa mga senior citizen ning dakbayan ang giduso karon nga sugyot sa City Council nga kinahanglan adunay annual financial assistance ang mga kwalipikado nga senior citizen ning dakbayan.
Kahinumduman nga adunay tig-P500 matag bulan nga madawat ang mga senior citizen sa siyudad ug makuha nila kini matag quarter.
Apan daghanang mga tigulang ang nagbutyag nga dili kini pa-igo aron nga ipalit sa ilang panginahanglanon sama na lamang sa tambal.
Kini sumala pa ang rason nga giduso ni Konsehal Ralph Abella ang sugyot nga kinahanglan hatagan ug annual financial assistance ang kapin P500,000 ka mga senior citizen sa dakbayan.
Samtang gidungog sa City Council ang nahisgutan nga sugyot, wala pa sab gibutyag kung pila ang madawat sa mga tabang pinansiyal sa mga nahisgutan.
