Nagpahibalo ang Agdao Multipurpose Cooperative (AMPC) nga kasamtangan kini nagapadayon sa pagtipig og ebidensya aron suportahan ang mga reklamo nga ipasaka batok sa mga indibidwal nga pugsanon nga misulod sa nag-unang opisina sa kooperatiba sa Bo. Obrero, Davao City, niadtong Sabado.
Sumala sa abogado nga si Gibb Andrew Cabahug, legal counsel sa AMPC, mga 50 ka mga indibidwal—nga gilangkuban sa mga miyembro, nga wala mananghid nga wala na usab misulod sa trabaho (AWOL), ug mga gitanggal nga empleyado—ang gipasanginlang misulod sa opisina. Sumala pa ni Cabahug nga ang mga kaso nga posibleng ipasaka batok sa maong mga indibidwal naglakip sa pagpugos (coercion), pisikal nga kadaot, kadaot sa kabtangan, ug pagsulay sa pagpangawat.
Gikanayon niini nga ang mga indibidwal misulay sa pag-access sa mga steel cabinet nga adunay mga orihinal nga resibo, mga sertipiko sa rehistrasyon, ug mga dokumento sa pautang, nga luwas nga gitipigan.Sa pagkakaron, ang AMPC adunay kapin-kulang 70,000 ka miyembro sa tibuok nga mga rehiyon sa Visayas ug Mindanao.
Gipasaligan ni Cabahug ang mga miyembro nga nagpahayag og tinguha nga bawi-on ang ilahang kapital ug pagka-miyembro human sa nahitabong insidente nga ilahang hangyo pagahimuon sa hustong panahon. Mahitungod sa pinansyal nga kahimtang sa kooperatiba, gibutiyag ni Cabahug nga ang eksternal nga audit sa mga financial statements sa AMPC mahuman na sa Abril 3.
