DAVAO REGION- Dako gayud ang kumpyansa ni Teodoro Petecio, amahan sa boksingerong si Nesthy Petecio nga makadaug kini og medalya gikan sa dula sa iyahang anak sa Paris Olympics 2024.
Pagbutyag sa ni Teodor atol sa pakighinabi sa Bombo Radyo Davao nga siya mismo ang nakakita sa mga trainings nga naagian ug mga sparring sa iyahang anak ug kumpyansya kini nga madepensahan gihapon ni Nesthy ang nakab-ot sa milabayang olympic nga silver medal.
Dugang pa sa amahan ni Nesthy nga miabot gayud sa lima ngadto sa unom ka bulan ang pag training kon pagbansay niini ayha pa man kini milupad padulong sa nasud France alang sa pagsalmot sa Paris Olympics 2024.
Kahinumdumang nakadawat ug pagtimbaya ang mga Olympian boxers nga si Nesthy Petecio ug Carlo Paalam gumikan kay sila ang gitahasan nga mudala sa flag sa nasud sa pag-abre sa 2024 Paris Olympics.
Gani, base sa pinakaulahing impormasyon sa iskedyul sa boksingerong si Nesthy Petecio, mahitabo na ang unang pakigsangka niin arong umaabot nga Hulyo 30, tuig kasamtangan ubos sa categorya nga 57 kilogram.
Ang maong dula ni Nesthy ang mahitabo sa North Paris Arena sa oras nga bandang alas una sa hapon, o di kaha bandang alas 5 imedya sa hapon o bandang alas 10 sa gabie.
Mensahe sa amahan ni Nesthy, nga unta dili lamang i-ampo ni Nesthy ang iyahang kadaugan apan iampo usab niini nga tugutan sa iyahang anak ang tibuok Pilipinas nga mag-ampo alang sa iyahang kadaugan.
