DAVAO CITY – Nasaksihan ni SPO4 Joffrey Narvaza ang gidangatan sa iyang baynte siete anyos nga anak nga si PO1 Joe Narvaza, sa Bansalan PNP nga kalakip sa mga napatay sa pagpang-ambush sa mga rebeldeng NPA sa Barangay Sibayan, Bansalay, Davao del Sur.
Sumala pa kang SPO4 Narvaza, nga baynte uno ka tuig na nga nangatungdanan isip police ug nadistino sa Davao del Sur Police Provincial Office nga ang iyang higala nga police nga taga-Bansalan ang mitaho labot sa ambush, diin kuyog ang iyang anak nga sakay sa Mobile Patrol number 4.
Gisulayan sumala pa niya nga ma-contact ang cell phone sa iyang anak, apan out of coverage area na.
Nasayran nga M16 ang dala nga armas ni PO1 Narvaza, kinsa dunay igo sa iyang tiyan nga bahin.
Gituohan nga gipangtiwasan ang mga police gumikan kay daghan nga mga baseyo sa armas ang nagpasad doul sa nahimutangan sa patrol car.
Gidawat na lamang sa amahan ang gidangatan sa iyang anak nga police.
