DAVAO CITY – Mitahan na sa mga otoridad ang usa ka lalaki nga nitigbas sa iyang kaugalingong amahan human nga naglalis samtang nag-inom sa may Purok 16, Panipasan, Barangay Marilog, Marilog District, Davao City.
Giila sa Marilog Police ang patayng lawas sa usa ka Henry Lamban Advincula, 51 anyos, amahan sa suspek nga si Philip Advincula, taga-Sitio Bangkori sa susamang barangay.
Sigon sa imbestigasyon, nakig-inom ang mag-amahan sa balay sa ilang higala nga si Raul Mangiboa sa Purok 16, Panipasan.
Sa wa damha, misangko sa pagpanigbas ang mismong anak sa biktima tungod sa wala masayring rason. Nakahiagum ug mga samad dinuggaban ang biktima hinungdan sa iyang hinaling kamatayon.
Naplagan na lamang nga nag-buy od dapit sa kanal ang patayng lawas sa biktima pagkabuntag.
Wala hinuon nakahimo sa pag-ikyas ang suspek gumikan sa iyang binuhatan, apan lauman gihapon ang tukmang kaso ng ipasaka batok sa anak nga nakakabos sa kinabuhi sa iyang amahan.
via || Bombo LJ Florendo
