Balhug na sa presohan ug gi-andam na ang kaso batok sa usa ka amahan nga nakapatay sa iyang kaugalingon nga anak human nga iya kining gikulata gumikan kay gidulaan ang ilang bugas.
Una ng gibutyag sa Sto.Tomas Municipal Police, nga aksidenteng sumala pa nga nahulog sa batang biktima ang ilang bugas hinungdan nga nagkatag kini sa salog sa ilang panimalay sa Purok 7, Brgy. Kimamon, Sto. Tomas, Davao del Norte.
Naabtan sumala pa sa iyang amahan nga gidulaan sa biktima ang bugas hinungdan nga iyang kining gisagpa ug gikulata hangtud nga nahulog kini sa hagdanan.
Wala pa nakontento ang amahan ug iya pa kining gisipa hinungdan nga nawad-an sa iyang panimuot ang biktima.
Dali pa nga gidala ang bata sa Sto. Tomas Health Center apan gideklara kining dead on arrival sa mga doktor.
Misulay pa pag-ikyas ang suspek nga nailang si Gilbert Antonio Momo, 32 anyos, apan sa gipahigayon nga hot pursuit operation, nasikop kini sa otoridad ug gipaslak kini karon sa presohan.
