DAVAO CITY- Tingkagol sa selda sa Bajada PNP ang usa ka alias ” Amigo” 52-anyos, usa ka negosyante ug giila nga usa ka street level individual human nga nadakpan atol sa gilusad nga drug buybust operation sa mga operatiba pasado alas dyes kagabii. Subay sa report sa kapulisan, gipahigayon ang operasyon sa Cabantian Road, Brgy. Cabantian, ning syudad sa Davao.
Nakumpiska sa dinakpan ang mga pakete sa iligal nga droga kon shabu nga adunay standard drug price nga mokabat sa Php 19,720.
Samtang kauban sab niini ang usa ka lalaku nga ka menor de edad nga 17-anyos, usa ka grade 11 student nga taga Midsayap North Cotabato ang na-rescue sa kapulisan.
Nakumpiska sab sa mga otoridad gikan sa mga nahisgutan ang cellphone nga gigamit sa transaksyon.
Sa pagkakaron gipasakahan na ug kaso nga pagsupak sa RA 9165 ang mga nahisgutan samtang anaa kini sa kostudiya sa Bajada PNP.
