DAVAO CITY – Tingkagol sa prisohan ang usa ka lalaki kinsa giila usab isip high value target sa mga otoridad atol sa gipahigayong drug-buy bust operation didto sa Purok Lawaan, San Roque, Brgy. Tamugan, ning dakbayan kagahapon.
Giila ang maong dinakpan nga si Jessie Alforque alyas “Amay”, 26 anyos, ulitawo, ug residente sa naingong lugar kinsa positibong napalitan og usa ka sachet sa ginatuohang shabu nga nagkantidad og P6,000.
Samtang nakuha usab gikan sa posisyon sa dinakpan ang laing 13 ka sachet sa ginatuohang shabu nga adunay gimbug-aton nga kapin kon kulang 55 gramos nga kantidad og P374,000.
Sa karon, anaa na sa kustodiya sa PDEA Regional Office XI ang dinakpan ug mag-atubang kini og kasong paglapas sa RA 9165 kon Comprehensive Dangerous Drugs Act of 2002.
via || Bombo LJF
