DAVAO CITY – Gikumpirma sa usa ka alumnus sa University of the Philippines-Mindanao (UP-Min) nga adunay nahitabong recruitment activities sulod sa unibersidad nga gidumala sa komunistang New People’s Army (NPA) ug gani mutabang pa ang ilang mentor niini.
Kini ang nahimong pahayag ni Choyax Cagape, kanhi UP Min student, sa mga gihimong pagpamakak sa pipila niya ka mga classmates nga walay NPA recruitment activities sulod sa unibersidad.
Gitataw sab ni Cagape nga dihang nahimo siya kaniadto nga election body chairperson, gi-introduce sumala pa kaniya sa iyang magtutudlo kung unsa ang “subversive ideology.”
Sayud sumala pa si Cagape nga pipila sa iyang mga classmates ug uban pang UP-Min students ang miadto sa bukid ug wala gitapos ang ilang pag-eskwela gumikan kay na-recruit na sila sa NPA ug nakigbatok na sa gobyerno.
