Gibutyag sa Indonesian Interpol nga protektado sa matod pa unom ka mga langyaw ang pagtago ni kanhi Bamban, Tarlac mayor Alice Guo sa Indonesia ug gitanyagan usab kini sa usa ka monghe nga kapuy-an.
Gipahayag ni Inspector General Krisha Murti, hepe sa Interpol sa Indonesia, ubay-ubay ang mitabang kang Guo lakip na ang pagpahigayon ug online transactions aron dili matultulan ang gitago-an niini.
Apan gumikan sa koordinasyon sa Philippine government sa Indonesia, natultulan ang gitago-an ni Guo homan mi-eskapo pagawas sa nasud sa dihang nalambigit kini sa iligal nga operasyon sa POGO.
Samtang giklaro usab sa tinubdan nga walay kasabutan mahitungod sa palit-ulo kang Guo ug sa wanted nga Australian nga si Gregor Johann Haas sa Jakarta gumikan sa kasong drug trafficking.
Naaresto si Haas sa Pilipinas niadtong bulan sa Mayo.
