DAVAO CITY- Nadakpan sa mga operatiba sa Eden PNP ang usa ka alias “PAPAP DOL” nga usa ka street level individual human nga nakuhaan kini ug iligal nga droga kon shabu atol sa gilusad nga drug buybust operation.
Subay sa report sa kapulisan, nakumpiska sab sa dinakpan ang usa ka Caliber .38 Revolver nga adunay serial number nga adunay duha ka mga bala.
Nasayran nga gilusad ang operasyon pasado alas siete ang takna kagabii sa Purok 6, San Juan, Barangay Eden, Toril District, ning syudad sa Davao.
Ang dinakpan nga si alias “PAPAP DOL”, 32-anyos, minyo usa ka laborer sa fertilizer, nga residente sa Kilometer 11, Barangay Sasa, ning dakbayan sa Davao.
Sa kinatibuk-an ang iligal nga droga kon shabu ang nagkantidad ug Php 4,810 nga Standard Drug Price.
Sa karon ang dinakpan ang anaa sa kostudiya sa Eden Police Station samtang pasakahan kini ug kasong pagsupak sa RA 9165 ug RA 10591 kon paghupot ug armas nga walay ugong dokumento.
