Nanguna sa ranking sa Miss Universe 2025 hot picks ang Filipino beauty queen nga si Ma. Ahtisa Manalo, sumala sa iladong beauty pageant observer nga Missosology, sa ilahang labing bag-ong listahan nga gipagawas kagahapong adlawa.
Sumala sa Missosology, usa ka exceptional kon ouststanding si Manalo dili lamang sa iyang poise ug kumpiyansa, apan lakip na usab sa iyang mga kaagi.
Gibutyag usab sa pageant platform nga ang iyang posibleng pagdaog magdala og “symbolic weight” sa kultura sa pageant sa Pilipinas.
Lakip sa mga frontrunners sa listahan ang mga mosunod: Colombia – Vanessa Pulgarin (ikaduha), Croatia – Laura Gnjatovic (ikatulo), Puerto Rico – Zashely Alicea (ika-upat), Thailand – Praveenar Singh (ikalima), nga usa usab ka crown contender.
Sa kinatibuk-an, 122 ka mga kandidata ang misalmot sa titulong Miss Universe 2025, nga ipahigayon sa Thailand karong Nobyembre 21.
