Nanawagan si AFP Chief of Staff General Romeo Brawner sa publiko nga dili mag-panic homan sa matod pa planong pagpalupad ug hypersonic missile sa China sa 25 ka mga lugar sa nasud.
Matod pa sa heneral, sa pagkakaron wala silay nadawat nga report sa gipagawas nga pamahayag ni Senator Imee Marcos.
Matod pa niini, magtinabangay ang AFP lakip na ang security sector aron matubag ang nahisgutang hisgutanan.
Dugang gikanayon niini nga anaa pa sa proseso ang Armed Forces of the Philippines (AFP) sa pag-validate sa report nga adunay 25 ka mga lugar sa nasud ang target sa hypersonic missile sa China.
Sa pagkakaron nakiglambigit na ang AFP sa buhatan sa senadora aron makakuha pa ug inpormasyon mahitungod niini.
Unang gipahayag sa AFP nga wala sila gigamyan sa nahisgutang report apan bisan paman niini, andam ang militar nga protektahan ang teritoryo sa nasud.
