DAVAO CITY – Hugtanong gikondena sa Armed Forces of the Philippines (AFP) ang gihimo sa mga rebeldeng New People’s Army (NPA) nga gikanayong mipatay sa tribal leader sa Bukidnon sa milabay nga adlaw luyo sa gipatuman nga ceasefire tali sa gobyerno.
Subay sa report sa 8th Infantry Battalion (IB), naila ang biktima nga si tribal leader Datu Sammy Diwangan, 45 anyos, usa ka IP Mandatory Representative (IPMR).
Gipusil si Diwangan samtang ang iyang 9 anyos nga anak ang nakahimo pagdagan batok sa gihimong pagpangatake sa mga rebelde nga sakop sa Guerilla Front Malayag sa Barangay Canangaan, Cabanglasan, Bukidnon.
Gipusil sumala pa ang biktima tumong sa iyang ulo ug nagkadaiyang bahin sa iyang lawas nga maoy hinungdan sa hinanaling kamatayon niini.
Gikondena ni Lieutenant Colonel Ronald Illana, commanding officer sa 8th IB, dungan sa pagbutyag nga ang gihimo sa mga rebelde tin-aw nga manipestasyon sa teroristang kalihokan.
Kahinumduman nga gipatuman ang ceasfire kaniadtong Disyembre 23, 2019 ug matapos kini sa Enero 7, 2020.
