Gipanghimakak sa Armed Forces of the Philippines (AFP) ang report nga pipila kuno ka heneral ang matod pa nag-walk out sa usa ka command conference ug gitawag kining fake news.
Gipahayag ni AFP spokesperson Colonel Francel Margareth Padilla nga mitambong kini sa panagtigom ug natapos kini nga tarong.
Gipangunahan ni Pangulong Ferdinand “Bongbong” Marcos Jr. ang command conference sa AFP sa Camp Aguinaldo sa Quezon City.
Gitahasan sa Pangulo ang AFP nga pahunungon ang tensyon sa China sa West Philippine Sea, matod pa ni AFP chief General Romeo Brawner Jr.
Dugang pa ni Brawner, gipadayag sa Presidente ang pagpasalamat niini sa mga sundalong Pilipino nga depensahan ang soberenya ug interes sa nasud sa West Philippine Sea, nga giangkon sa China bisan paman sa arbitral award pabor sa Pilipinas kaniadtong 2016.
