Gisiguro sa Armed Forces of the Philippines (AFP) ang ilang bug-os nga kooperasyon sa mga awtoridad kung adunay pormal nga imbestigasyon kabahin sa kontrobersiyal nga flood control scam.
Apan gipaklaro usab sa AFP nga dili na sakop sa militar ang mga gilangkuban nga mga ex-Marines.
Sumala kang AFP spokesperson nga si Col. Francel Margareth Padilla, dugay nang nahimulag sa serbisyo ang mga kanhing sundalo nga giingong nagsilbing mga “bagmen” ni kanhi kongresista Zaldy Co.
Busa, naglihok na lamang sila sa ilang pribadong kapasidad. Gibutyag pa sa opisyal nga wala kini sila magrepresentar sa posisyon sa AFP.
Bisan paman niini, nagbarug ang institusyon sa prinsipyo sa transparency ug accountability, ug andam motabang kon gikinahanglan ang ilahang partisipasyon sa imbestigasyon.
Isip background, bag-o lang gibutyag sa kanhi kongresista nga si Mike Defensor nga adunay 18 ka kanhing Marines nga andam motestigo sa Office of the Ombudsman pabor sa naunang rebelasyon ni Master Sgt. Orly Regala Guteza may kalabotan sa floodgate irregularities.
Kauban si “bagmen” ni kanhi kongresista Zaldy Co. , nakatakda nga mosumite og joint affidavit ang maong mga ex-Marines aron motabang sa pagpadayon sa kaso.
